الشاعر براجع كمال يكتب عن رمضان

قرب لينا يا شهر الرحمة……..قرب لينا يا ضيف العام

قدومك لينا عافيةونعمة…….يماتك ماهم ك ساير ليام

الناس فيك تتعاضد لحمة…ماليين الصفوف صلاة وقيام

بالصبر مكبرة وحدة الامة….في بيوت الرحمان جوامع الكلام

بونادم القليل مايحس بالظلمة..بين خاوتو فرحان مزعم تزعام

وين مقصد مكان يعمر البرمة…القوت ديالو مكتبلو فزمام

يا سامع القول اسمع الكلمة…في هاذ ليمات ما يكولك تخمام

يمات عواشير اجيك اللقمة….رزقك رزق الطير فالسما والحمام

رمضان راه يمات غالية فالقيمة…الحسنة فيه غالية في لسوام

البداية غفران وفي وسطو رحمة العتق مالنار راه مسك الختام

فيه يوم الليلة نايرة معلومة….تستنى فيها امم واقوام

يا سعد من راها والقاتو ثمة….يدي واش ادى مالبحر العوام

يا وكال رمضان عليك الحيا والحشمة.اتقى مولاك ماتزيد لقدام

الصيام تزكية القدر والهمة….ربي يجازى بيه كل تاقي قوام

كلشي مسخر ليك فدنيا وثمة الصوم لمولاك قدمولو تقدام

عربون محبة عبادة فالقمة….رضاية المولى من اول المهام

شوف فرحة العيد بعد فرج الازمة..الناس متحابة صبي و غلام

الفرحة فرحتين الناس ملتمة…بيها يكمل الدين بصلىة لرحام

شعر : براجع كمال

اظهر المزيد

اترك رد

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: