قصيدة عيد الفطر للشاعر برابح كمال

نهنيك يا خويا بالعيد
نقلك مبروك ربي يتقبل
امة محمد تحيي وتسعيد
الي شرعو ربي لامتنا مقبل
يا فرحي باليوم يجي فيه البعيد
مالغربة اديالو على اماليه يطل
ولي متعذر مالظرف الشديد
يكتب برية عليهم يسول
سلامي ليكم مصطفى والعيد
سلامي ليكم مكلام مطول
سلامي للدوار الى قلبني صنديد
من صابني فيه نسلم ونقبل
هذا مكتوبي اذا دار العيد
تلقاني وحدي موحش ومكبل
الناس فرحانةولابسة الجديد
وانا من صغري مهاجر متجول
ساعة فاليونان ساعة في مدريد
لا كواغط فالجيب ولا صبت اعمل
تايه في الجسور عايش صوليتيد
نستنى فاليوم وكتا نترحل
هذا درس كبير نتمنى منزيد
نعاود نخطيها ولا نتحول
بلادي زينة فيها اعمر وزيد
عليها منحول عليها مانقبل
نطلب من ربي يا خويا كوفيد
في هاذ عواشير اتروح او ترحل .
كل عام وانتم بخير تقبل الله منا ومنكم .صالح الاعمال لكل المسلمين في العالم .

اظهر المزيد

اترك رد

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: